Innlent

Hálka eða hálkublettir á vegum á Vesturlandi

Atli Ísleifsson skrifar
Þæfingsfærð er á Kleifaheiði, Klettshálsi og Steingrímsfjarðarheiði og enn er ófært á Þröskuldum en unnið að hreinsun.
Þæfingsfærð er á Kleifaheiði, Klettshálsi og Steingrímsfjarðarheiði og enn er ófært á Þröskuldum en unnið að hreinsun. Vísir/Getty

Hálkublettir eru á Hellisheiði og í Þrengslum og einnig hálkublettir eða hálka á nokkrum útvegum á Suðurlandi.

Í tilkynningu frá Vegagerðinni segir að hálka sé á Lyngdalsheiði og þæfingsfærð í Kjósarskarði.

„Hálka eða hálkublettir eru á vegum á Vesturlandi en á Vestfjörðum er hálka á flestum leiðum. Þæfingsfærð er á Kleifaheiði, Klettshálsi og Steingrímsfjarðarheiði og enn er ófært á Þröskuldum en unnið að hreinsun.

Á Norðurlandi vestra er hálka eða hálkublettir en á Norðausturlandi er hálka eða snjóþekja og víða snjókoma eða éljagangur. Þungfært er á Mývatns- og Möðrudalsöræfum.

Það er hálka á flestum leiðum á Austurlandi en þungfært á Vopnafjarðarheiði en þar er unnið að hreinsun. Greiðfært er með suðausturströndinni suður að Eldhrauni en þar eru hálkublettir á kafla.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira