Enski boltinn

Juan Mata tryggði fjórða sigur United í röð | Sjáið sigurmarkið

Óskar Ófeigur Jónsson skrifar
Juan Mata fagnar sigurmarki sínu.
Juan Mata fagnar sigurmarki sínu. Vísir/Getty

Spánverjinn Juan Mata skoraði eina markið á Old Trafford í kvöld þegar Manchester United hélt sigurgöngu sinni áfram í ensku úrvalsdeildinni.

Manchester United vann 1-0 sigur á Watford og er nú með jafnmörg stig og nágrannar þeirra í Manchester City í 4. og 5. sæti deildarinnar.

Juan Mata skoraði eina markið með skoti beint úr aukaspyrnu sjö mínútum fyrir leikslok en markið var afar laglegt.

Juan Mata bar fyrirliðabandið í fyrsta sinn og hélt upp á það með því að skora frábært sigurmark.

Manchester United hefur þar með unnið fjóra leiki í röð í öllum keppnum og fylgdi eftir sigri á Arsenal í síðasta leik.

David de Gea sá til þess að Watford skoraði ekki í fyrri hálfleiknum en Watford fékk mun hættulegri færi fyrir hlé.

Leikurinn var jafn og Watford skapaði sér líka færi í seinni hálfleiknum en það þurfti frábær tilþrif frá Mata til að gera út um leikinn og halda sigurgöngu United áfram.

Aukaspyrnumark Juan Mata

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira