Erlent

Rannsaka mögulegt brak frá MH370

Samúel Karl Ólason skrifar
Frá fundi braksins á Reunioneyju.
Frá fundi braksins á Reunioneyju. Vísir/EPA
Rannsakendur sem leitað hafa af malasísku flugvélinni sem hvarf árið 2014, rannsaka nú mögulegt brak úr vélinni sem fannst við strendur Mósambík. Flugvélin hvarf í mars 2014 á leið frá Kuala Lumpur til Peking með 239 manns innanborðs. Aðeins eitt brak úr vélinni hefur fundist.

Brakið sem búið er að staðfesta að er úr vélinni fannst á Reunioneyju í júlí í fyrra. Fregnir af fundum braks berast þó nokkuð reglulega.

Nýja brakið var fundið af bandarískum manni að sandrifi undan ströndum Mósambík, sem er ekki langt frá Reunioneyju. Samkvæmt BBC hafa rannsakendur einungis séð myndir af brakinu, enn sem komið er, og telja þeir líklegt að það sé úr Boeing 777 flugvél.

Talið er að flugvélin hafi farist í Indlandshafi, en ekki er vitað af hverju flugvélinni var flogið þangað.




Fleiri fréttir

Sjá meira


×