Innlent

Ákærður fyrir manndráp af gáleysi um jólin

Kolbeinn Tumi Daðason skrifar
Einbreið brú yfir Glerá. Hinn látni var næstum því kominn yfir brúna þegar ákærði ók utan í bíl hans.
Einbreið brú yfir Glerá. Hinn látni var næstum því kominn yfir brúna þegar ákærði ók utan í bíl hans. Vísir/Pjetur

28 ára gamall kínverskur ríkisborgari hefur verið ákærður fyrir manndráp af gáleysi. Hann er sakaður um að hafa ekið bifreið inn á einbreiða brú við Hólá í Öræfasveit of hratt miðað við aðstæður og án nægjanlegrar aðgæslur svo úr varð árekstur. Ökumaður hinnar bifreiðarinnar lést en hann var 47 ára gamall erlendur ferðamaður. 

Í ákæru lögreglustjórans á Suðurlandi kemur fram að snjór og krapi hafi verið á veginum og ákærði hafi ekki haft fulla stjórn á bílnum sem skall framan á vinstra framhorni annarrar bifreiðar sem kom úr gagnstæðri átt og átti skammt ófarið yfir brúna. Ökumaður þeirrar bifreiðar hlaut mikla áverka á brjósti og lést skömmu síðar.

Kínverjinn, sem var ferðamaður hér á landi, sætir farbanni til 28. apríl. Brot hans varðar allt að sex ára fangelsi.


Tengdar fréttir

Banaslys í Öræfasveit

Erlendur ferðamaður lést þegar tveir bílar skullu saman á brúnni yfir Hólá.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira