Fótbolti

Ólafur Ingi og félagar þokast upp töfluna

Ingvi Þór Sæmundsson skrifar
Ólafur Ingi er fastamaður í liði Genclerbirligi.
Ólafur Ingi er fastamaður í liði Genclerbirligi. mynd/facebook-síða genclerbirligi

Ólafur Ingi Skúlason og félagar í Genclerbirligi lyftu sér upp í 9. sæti tyrknesku úrvalsdeildarinnar með 0-2 sigri á Kayserispor í dag.

Þetta var sjötti sigur Genclerbirligi í síðustu sjö leikjum en það hefur heldur betur birt til hjá Ólafi og félögum eftir erfiða byrjun á tímabilinu.

Ólafur lék allan leikinn á miðjunni hjá Genclerbirligi en hann er fastamaður í liðinu. Landsliðsmaðurinn hefur komið við sögu í 23 af 24 deildarleikjum Genclerbirligi á tímabilinu en leikurinn í dag var hans nítjándi í byrjunarliðinu.

Ólafur er á sínu fyrsta tímabili með Genclerbirligi en hann kom til liðsins frá Zulte-Waregem í sumar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira