Körfubolti

San Antonio heldur áfram að safna liði

Ingvi Þór Sæmundsson skrifar
Martin eykur breiddina hjá San Antonio.
Martin eykur breiddina hjá San Antonio. vísir/getty

San Antonio Spurs heldur áfram að bæta við sig mannskap fyrir úrslitakeppnina í NBA-deildinni.

Í lok febrúar samdi San Antonio við leikstjórnandann reynda Andre Miller og nú er liðið búið að bæta skotbakverðinum Kevin Martin í hópinn. Miller og Martin léku síðast með Minnesota Timberwolves.

Martin er afbragðs þriggja stiga skytta þótt hann hafi ekki hitt vel í vetur. Martin er með 38,5% þriggja stiga nýtingu á ferlinum en hann kom inn í deildina árið 2004.

Martin hóf NBA-ferilinn með Sacramento Kings og lék með liðinu í sex tímabil áður en hann færði sig yfir til Houston Rockets. Martin lék með Oklahoma City Thunder tímabilið 2012-13 en að því loknu gekk hann til liðs við Minnesota.

San Antonio er í 2. sæti Vesturdeildarinnar en liðið hefur unnið 52 af 61 leik sínum í vetur.

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira