Körfubolti

Elvar og félagar í úrslit

Ingvi Þór Sæmundsson skrifar
Elvar var með huggulega tvennu í dag.
Elvar var með huggulega tvennu í dag. mynd/hilmar bragi

Elvar Már Friðriksson og félagar í Barry University eru komnir í úrslit Sunshine State deildarinnar í háskólakörfuboltanum í Bandaríkjunum.

Í dag bar Barry sigurorð af Saint Leo, 91-72, í undanúrslitunum en í úrslitaleiknum á morgun mæta Elvar og félagar annað hvort Eckerd eða Lynn.

Elvar átti fínan leik fyrir Barry í dag en Njarðvíkingurinn skoraði 12 stig og gaf 10 stoðsendingar. Hann tók einnig þrjú fráköst og stal boltanum þrívegis.

Elvar hitti úr fimm af 13 skotum sínum utan af velli í leiknum.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira