Innlent

411 brautskráðir úr Háskóla Íslands í dag

Atli Ísleifsson skrifar
Jón Atli Benediktsson, rektor Háskóla Íslands.
Jón Atli Benediktsson, rektor Háskóla Íslands. Vísir/Valli

411 kandídatar verða brautskráðir úr grunn- og framhaldsnámi frá Háskóla Íslands við hátíðlega athöfn í Háskólabíói í dag. Þetta er fyrsta brautskráning nýs rektors, Jóns Atla Benediktssonar.

Í tilkynningu frá Háskóla Íslands segir að nemendur af öllum fimm fræðasviðunum skólans – félagsvísindasviði, heilbrigðisvísindasviði, hugvísindasviði, menntavísindasviði og verkfræði- og náttúruvísindasviði – fái afhent prófskírteini á hátíðinni.

„Samanlagður fjöldi brautskráðra er 411 með 411 próf, 211 sem hafa lokið grunnnámi og 200 sem hafa lokið framhaldsnámi. Í hópi brautskráðra að þessu sinni er fyrsti nemandinn sem útskrifast með MS-gráðu í jarðvísindum.

Við athöfnina munu Aron Ólafsson, formaður Stúdentaráðs, og Jón Atli Benediktsson, rektor Háskóla Íslands, ávarpa kandídata en þetta er fyrsta brautskráning þess síðarnefnda í embætti rektors,“ segir í tilkynningunni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira