Körfubolti

Körfuboltakvöld: Fá litlu mennirnir að berja á þeim stærri?

Anton Ingi Leifsson skrifar
Coleman í leik gegn ÍR fyrr í vetur.
Coleman í leik gegn ÍR fyrr í vetur. vísir/anton

Kjartan Atli Kjartansson, Hermann Hauksson og Friðriksson gerðu upp átjándu umferðina í Dominos-deild karla í þættinum Körfuboltakvöldi í gær.

Al'lonzo Coleman fór fjórum sinnum á vítalínuna í tapleiknum gegn Haukum á fimmtudag í framlengdum leik, en Hrafn Kristjánsson, þjálfari Stjörnunnar, virtist hundfúll í leikslok.

„Planið var dálítið að fara í gegnum Kanann hjá okkur núna og hann spilaði í 45 mínútur og var með boltann nánast allan leikinn sem skilaði sér í persónulegu meti," sagði Hrafn í samtali við Ingva Þór Sæmundsson í leikslok.

„Ég held að hann hafi skotið einhverjum fjórum vítum, en það er helmings bæting frá því í síðustu leikjum. Það er stórkostlega gaman að hann fái að uppskera svona fyrir að fara á körfuna í hvert einasta skipti," en finnst Hrafni þetta ósanngjörn meðferð?

„Það er ekki mitt að ákveða. Eftir stendur sú staðreynd að leikmaður með tonn af hreyfingum sem fer oft og sterkt á körfuna er að meðaltali að skjóta einhverjum þremur til fjórum vítum í leik. Það er annarra að dæma að þannig eigi það að vera."

Umræðuna um þetta og dómaramál má sjá í sjónvarpsglugganum hér að ofan.


Tengdar fréttir

Af hverju braut ÍR ekki?

Kjartan Atli Kjartansson, Hermann Hauksson og Friðriksson gerðu upp átjándu umferðina í Dominos-deild karla í þættinum Körfuboltakvöldi í gær.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira