Innlent

Eldur í Vestmannaeyjum

Tryggvi Páll Tryggvason skrifar
Allt tiltækt lið slökkviliðs Vestmannaeyja var kallað út vegna elds í fjölbýlishúsi í morgun.
Allt tiltækt lið slökkviliðs Vestmannaeyja var kallað út vegna elds í fjölbýlishúsi í morgun. Mynd/Stefán Karlsson

Slökkviliðið í Vestmannaeyjum var kallað út á sjötta tímanum í morgun vegna elds í fjölbýlishúsi.

Um 20 manna lið slökkviliðsmanna auk sjúkraflutningamanna og lögreglu mætti á svæðið en þá var búið að slökkva eldinn.

Að sögn Gústafs Gústafssonar varðstjóra hjá Slökkviliðinu var töluverður reykur í íbúðinu sem er á þriðju hæð þegar slökkviliðið kom á svæðið og voru íbúar búnir að koma sér út úr húsinu.

Íbúðin var reykræst en töluverðar reykskemmdir eru í íbúðinni, sérstaklega í eldhúsinu þar sem talið er að eldurinn hafi kviknað.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira