Formúla 1

Mercedes frumsýnir nýjan bíl

Kristinn Ásgeir Gylfason skrifar
Mercedes W07, 2016 bíll heimsmeistaranna.
Mercedes W07, 2016 bíll heimsmeistaranna. Vísir/mercedesamgf1.com

Mercedes hefur birt myndir af W07 bíl sínum. Bíllinn á að tryggja Mercedes þriðja heimsmeistaratitil bílasmiða og ökumanna í röð.

Bíllinn hefur mjög sviðpað útlit og fyrrirennarar hans. Hins vegar vill Paddy Lowe, tæknistjóri Mercedes meina að bíllinn sé töluvert breyttur.

„Það er erfitt að gjörbylta öllu þegar reglurnar halda sér að mestu leyti. En við gerðum breytingar á litlu hlutunum þar sem við gátum - jafnvel þegar það var smávægileg breyting,“ sagði Lowe.

„Við höfum til dæmis verið að skoða alveg nýja uppröðun undir yfirbyggingunni eða fjöðrunarlausn. Bíllinn lýtur svipað út og fyrirrennarar hans - það er óumflýjanlegt þegar reglurnar breytast lítið - undir yfirbyggingunni eru töluvert magn lítilla breytinga sem skapa byltinguna sem þessi bíll er,“ sagði Lowe að lokum.


Tengdar fréttir

Ferrari frumsýnir nýjan fák

Ferrari frumsýndi í dag nýjasta bíl sinn, sem fengið hefur yfirhalningu. Bíllinn verður keppnisbíll Ferrari í ár.

Myndband: McLaren setur í gang

McLaren og Honda endurnýjuðu kynni sín í Formúlu 1 fyrir síðasta tímabil. Árangurinn lét á sér standa og liðið náði aðeins í 27 stig og níunda sæti í keppni bílasmiða. Liðið ætlar að gera betur í ár.

Frumsýningar í Formúlu 1

Formúlu 1 tímabilið hefst 18. mars næstkomandi, með föstudagsæfingum í Ástralíu. Fyrst fara fram æfingar og frumsýningar liðanna á nýjum bílum.



Fleiri fréttir

Sjá meira