Enski boltinn

West Ham flaug inn í átta liða úrslitin | Sjáðu mörkin

West Ham lenti í engum vandræðum á Ewood Park í 16-liða úrslitum enska bikarsins, en West Ham vann þar 5-1 sigur á heimamönnum í Blackburn.

Úrvalsdeildarliðið lenti þó undir á 20. mínútu þegar Ben Marshall kom Blackburn yfir, en Adam var ekki lengi í paradís því Victor Moses jafnaði sex mínútum síðar.

Hinn magnaði Dimitri Payet kom West Ham svo yfir á 36. mínútu og þannig stóðu leikar í hálfleik. Á tíundu mínútu síðari hálfleiks fékk Chris Taylor sitt annað gula spjald og þar með rautt og B-deildarliðið einum færri.

Emmanuel Emenike bætti við þriðja marki West Ham á 64. mínútu, en ellefu mínútum síðar fékk Cheikhou Kouyate beint rautt spjald og því aftur jafnt í liðum.

Emmanuel Emenike og Dimitri Payet bættu þó við sitthvoru markinu áður en yfir lauk og lokatölur 5-1 stórsigur West Ham sem er komið í átta liða úrslitin.




Fleiri fréttir

Sjá meira


×