Fótbolti

Zidane gefst ekki upp fyrir Barcelona

Tómas Þór Þórðarson skrifar
Zinedine Zidane, þjálfari Real Madrid.
Zinedine Zidane, þjálfari Real Madrid. vísir/getty

Zinedine Zidane, þjálfari Real Madrid, gefst ekki upp fyrir Barcelona í baráttunni um Spánarmeistaratitilinn þrátt fyrir úrslit helgarinnar.

Barcelona vann sinn leik en lærisveinar Zidane gerðu 1-1 jafntefli við Málaga á útivelli í dag og eru níu stigum á eftir Börsungum þegar 25 umferðir eru búnar.

„Við höfum svo sannarlega ekki gefið deildina upp á bátinn þó þetta verði erfitt,“ sagði Zidane eftir leikinn í dag, en Real á eftir að mæta bæði Barcelona og Atlético í síðustu þrettán umferðunum.

„Við gefumst ekki upp því það eru svo mörg stig í pottinum. Það er nóg af stigum fyrir okkur að fá og svo geta hin liðin líka tapað stigum.“

„Við hættum ekki í deildinni. Hafið engar áhyggjur af því. Við berjumst til enda um spænska titilinn og í Meistaradeildinni sama hvað gerist,“ sagði Zinedine Zidane.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira