Enski boltinn

Aguero verður stressaður fyrir stórleiki

Henry Birgir Gunnarsson skrifar
Aguero var ekkert mjög stressaður er hann hitti stórstjörnuna Jean-Claude Van Damme sem er oft kallaður „The muscles from Brussels“.
Aguero var ekkert mjög stressaður er hann hitti stórstjörnuna Jean-Claude Van Damme sem er oft kallaður „The muscles from Brussels“. vísir/getty

Hinn argentínski framherji Man. City, Sergio Aguero, viðurkennir að hann sé alltaf stressaður fyrir stórleiki.

Aguero er orðinn þrautreyndur í boltanum og leikið ófáa stórleikina fyrir lið sín og landslið. Þrátt fyrir það fær hann alltaf fiðring í magann dagana fyrir stórleiki.

Um næstu helgi fer fram úrslitaleikur deildabikarsins er City spilar gegn Liverpool.

„Fiðringurinn er alltaf til staðar. Það er eðlilegt. Þegar það kemur að úrslitaleik þá vill maður bara klára undirbúninginn og spila leikinn,“ segir Aguero.

„Auðvitað vilja allir standa sig vel og um leið og leikurinn hefst þá hverfur stressið. Maður byrjar að njóta sín á vellinum. Ég hef alltaf hugsað þetta eins. Ég vil njóta þess að spila fótbolta. Þannig hefur mitt hugarfar verið síðan ég var krakki. Bæði í leikjum og æfingum. Ég vil njóta mín.“

Þegur leikurinn á sunnudag hefst þá hættir Aguero að hugsa um að hann sé í úrslitaleik.

„Ég reyni bara að spila minn leik og gleymi því sem er undir. Úrslitaleikir snúast um að fækka einstaklingsmistökum því stundum vinnur lélegra liðið í leiknum. Það þarf alltaf 100 prósent einbeitingu í úrslitaleikjum.“



Fleiri fréttir

Sjá meira