Lífið

Lögreglan á villigötum í rannsókn morðmáls

Jakob Bjarnar skrifar
Lögreglan reyndist á algjörum villigötum við lausn morðgátunnar.
Lögreglan reyndist á algjörum villigötum við lausn morðgátunnar.

Rannsóknardeild Lögreglunnar á Norðurlandi eystra blandaði sér óvænt í vangaveltur á Facebook um hver væri morðinginn í Ófærð.

Verulegar umræður voru um þetta atriði í gær á samfélagsmiðlunum en tveir lokaþættir sjónvarpsþáttaraðarinnar voru sýndir í gærkvöldi.

Tilgáta rannsóknardeildar Lögreglunnar á Norðurlandi eystra gengur út á að hauslausa líkið, „sem hefur nú fundist í tvígang, sé alls ekki téður Geirmundur. Sé tilgátan rétt bíður það svo á móti upp á athyglisverðan vinkil á morðinu á Hrafni bæjarstjóra. Hvað haldið þið? ‪#‎máliðertilrannsóknar ‪#‎ófærð‪#‎bíðumspennteftirkvöldinu

Sigurjón Kjartansson, einn handritshöfunda, hefur biðlað til Íslendinga um að gaspra ekki um hvernig í pottinn er búið með morðmálin á hinum óræða stað sem er sögusvið Ófærðar. Þetta er vegna þess að enn á eftir að sýna þættina erlendis og netið virðir engin landamæri.

Vísir vonar ekki sé neinu spillt né of mikið sagt þegar það tilkynnist hér með að rannsóknardeild lögreglunnar á Norðurlandi eystra reyndist á algjörum villigötum með kenningar sínar.

Rannsóknardeild Lögreglunnar á Norðurlandi eystra hefur sett fram þá tilgátu að hauslausa líkið, sem hefur nú fundist í...

Posted by Lögreglan á Norðurlandi eystra on 21. febrúar 2016


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira