Lífið

Forsætisráðherra gaf gæsum brauð en ekki hamborgara

Birgir Olgeirsson skrifar
Eftir því sem Vísir kemst næst kunnu gæsirnar vel að meta matargjöfina frá forsætisráðherranum.
Eftir því sem Vísir kemst næst kunnu gæsirnar vel að meta matargjöfina frá forsætisráðherranum. Vísir/Hannes Sverrisson

Það er í ýmsu að snúast hjá Sigmundi Davíð Gunnlaugssyni forsætisráðherra á hverjum degi en í dag tók hann sér stutt hlé frá sínum mikilvægu störfum til að gefa nokkrum gæsum brauð sem voru við stjórnarráðshúsið við Lækjartorg.

Einhverjir vegfarendur töldu forsætisráðherra hafa verið gefa gæsunum hráa hamborgara en sá misskilningur stafaði af því að Sigmundur Davíð geymdi brauðið í munnþurrkum sem voru skreyttar með rauðum hringjum.

Vísir/Hannes Sverrisson

Að sögn Jóhannesar Þórs Skúlasonar, aðstoðarmanns forsætisráðherra, eru þessar sérstæðu servíettur að finna í stjórnarráðshúsinu og skreytingin á þeim því væntanlega valdið þeim misskilningi að forsætisráðherrann héldi á hamborgurum.

Eftir því sem Vísir kemst næst kunnu gæsirnar vel að meta matargjöfina frá forsætisráðherranum. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira