Enski boltinn

Giggs veitir mér innblástur

Henry Birgir Gunnarsson skrifar
Giggs og Memphis.
Giggs og Memphis. vísir/getty

Hollendingurinn Memphis Depay er hæstánægður með aðstoðarstjóra Man. Utd, Ryan Giggs.

Memphis hefur átt erfitt uppdráttar hjá Man. Utd í vetur og ekki náð að standa undir þeim væntingum sem til hans voru gerðar.

Hann er þó ekki á því að gefast upp og er að vinna í sínum málum með Giggs.

„Ryan Giggs er goðsögn. Hann talar mikið við mig og gefur mér góð ráð. Hann hefur upplifað allt í boltanum og miðlar af þeirri reynslu til mín. Við vinnum mikið saman,“ segir Memphis.

„Ég verð hungraðri á æfingasvæðinu er ég vinn með honum. Ég vil prófa nýja hluti og spyr hann alltaf um góð ráð. Hann þekkir þetta allt saman og veit hvernig á að takast við erfiðar aðstæður. Það veitr mér innblástur og hjálpar mikið.“

Hollenski drengurinn fór á kostum í heimalandinu síðasta vetur þar sem hann skoraði 25 mörk í 36 leikjum með PSV sem síðan varð meistari. Hann er búinn að skora 6 mörk í 33 leikjum í vetur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira