Erlent

23 látnir í flugslysi í Nepal

Samúel Karl Ólason skrifar
Ættingjar farþega úr vélinni.
Ættingjar farþega úr vélinni. Vísir/EPA
Allir um borð létust í flugvél sem brotlenti í Nepal í morgun. Þrír áhafnarmeðlimir voru um borð og tuttugu farþegar. Vélin hvarf skömmu eftir flugtak en fannst svo í hlíðum fjalls nærri áfangastað sínum.

Samkvæmt BBC liggur ekki fyrir hvað olli slysinu. Flugslys þykja nokkuð tíð í Nepal. Hins vegar þótti veður gott á svæðinu en flugferðin átti einungis að taka tuttugu mínútur.

Þrjár þyrlur voru sendar til að leita að vélinni, en þegar þær komu á vettvang var þoka á svæðinu. Leitin gekk þó vel og logaði brakið enn þegar það fannst. Teymi hafa verið send á vettvang til að flytja líkin til byggða, en ómögulegt er að lenda þyrlum á svæðinu.


Tengdar fréttir

Farþegavél hvarf í Nepal

Lítil farþegaflugvél með að minnsta kosti 21 innanborðs er týnd í fjallgörðum Nepal. Vélin er af Twin Otter gerð og var á leiðinni frá bænum Pokhara til Jomson þegar öll samskipti við flugturn rofnuðu.




Fleiri fréttir

Sjá meira


×