Handbolti

Guðmundur Árni og félagar stóðu í meisturunum

Eiríkur Stefán Ásgeirsson skrifar
Guðmundur Árni Ólafsson.
Guðmundur Árni Ólafsson.

Guðmundur Árni Ólafsson skoraði þrjú mörk er Mors-Thy gerði jafntefli, 25-25, við Danmerkurmeistara KIF Kolding Köbenhavn í kvöld.

Það var jafnræði með liðunum lengst af en KIF náði þriggja marka forystu snemma í síðari hálfleik og gerði sig líklegt til að síga fram úr.

En heimamenn náðu að jafna metin og voru skrefi á undan á lokamínútum leiksins. Mors-Thy fékk lokasókn leiksins en Tobias Ellebæk lét verja frá sér og þar við sat.

Vignir Svavarsson skoraði þrjú mörk fyrir Midtjylland sem tapaði fyrir Skjern, 32-29, í kvöld. Skjern er í öðru sæti deildarinnar, tveimur stigum á eftir toppliði Team Tvis.

Midtjylland er í tólfta sæti af fjórtán liðum í deildinni en Mors-Thy er í tíunda sætinu með sextán stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira