Innlent

Rúmlega 16.000 steratöflur fundust í myndaalbúmum

Bjarki Ármannsson skrifar
Hluti sendingarinnar.
Hluti sendingarinnar. Mynd/Tollstjóri

Rúmlega sextán þúsund steratöflur og rúmlega 1600 millilítrar af fljótandi sterum fundust í tveimur bögglapóstsendingum sem tollverðir lögðu hald á í síðasta mánuði. Sterunum hafði verið komið fyrir í frímerkaalbúmum, sem skorið hafði verið innan úr og þau innsigluð með glæru plasti.

Greint er frá fundinum í tilkynningu frá embætti Tollstjóra. Þar segir að sendingarnar hafi báðar komið frá Svíþjóð. Albúmin voru alls tuttugu, framleidd í Kína, og innihéldu flest stera en fáein voru tóm. Fljótandi sterarnir voru í stunguglösum og ampúlum, litlum glerhylkjum.

Að því er segir í tilkynningunni var málið sent til fíkniefnadeildar lögreglunnar á höfuðborgarsvæðinu og telst það upplýst. Tollstjóri minnir á fíkniefnasímann 800-5005 en í hann má hringja til að koma á framfæri upplýsingum um fíkniefnamál.

Myndir frá embætti Tollstjóra af sendingunni eru birtar hér að neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira