Innlent

Austurland fær 64% aflans uppsjávaraflann

Svavar Hávarðsson skrifar
Í Neskaupstað var tekið á móti 200.000 tonnum.
Í Neskaupstað var tekið á móti 200.000 tonnum. mynd/ksh

Neskaupsstaður ber höfuð og herðar yfir aðrar hafnir landsins þegar horft er til þeirra hafna þar sem mestum uppsjávarafla er landað. Á síðasta ári var landað þar rúmum 200 þúsund tonnum, að því er fram kemur á vef Fiskistofu.

Vestmannaeyjar koma næstar með tæp 171 þúsund tonn. Landanir á uppsjávarafla undanfarin ár hafa færst í auknum mæli til Austfjarða. Árið 1993 var 42 prósentumalls uppsjávarafla landað á Austurlandi en hlutfallið hefur síðan aukist nokkuð jafnt og þétt og í fyrra var það 64 prósent. Af 10 efstu höfnunum eru sex á Austurlandi.

Erlend skip lönduðu alls 167 þúsund tonnum af uppsjávarfiski í íslenskum höfnum á síðasta ári. Það vekur athygli að Neskaupsstaður er ekki helsta löndunarhöfn erlendra uppsjávarveiðiskipa heldur Fáskrúðsfjörður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira