Körfubolti

Fimmta tap Drekanna í röð

Eiríkur Stefán Ásgeirsson skrifar
Hlynur í leik með Sundsvall Dragons.
Hlynur í leik með Sundsvall Dragons. Vísir/Valli

Sundsvall Dragons tapaði sínum fimmta leik í röð í sænsku úrvalsdeildinni, í þetta sinn fyrir Malbas á útivelli, 98-89.

Sundsvall hefur gefið verulega eftir síðustu vikurnar en er þó enn í fimmta sæti deildarinnar með 28 stig. Liðið er þó nokkuð frá því nú að fá heimavallarrétt í úrslitakeppninni þar sem Borås, næsta lið fyrir ofan, er með fjögurra stiga forystu á Drekana og á leik til góða.

Hlynur Bæringsson var að venju í stóru hlutverki hjá liðinu og átti góðan leik. Hann skoraði 22 stig, var markahæsti maður liðsins ásamt Charles Barton, tók sjö fráköst og gaf tvær stoðsendingar á 37 mínútum.

Sundsvall byrjaðu mun betur og leiddi í hálfleik, 43-27, en sóknarleikur Malbas fór á mikið flug í síðari hálfleik og náði liðið forystunni snemma í fjórða leikhluta.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira