Golf

Fékk hjartaáfall í miðju móti

Henry Birgir Gunnarsson skrifar
Jason Bohn.
Jason Bohn. vísir/getty

Atvinnukylfingurinn Jason Bohn er í lífshættu eftir að hafa fengið hjartaáfall á PGA-móti á föstudag.

Bohn fékk hjartaáfallið eftir annan hringinn á Honda Classic-mótinu. Hann hafði þá komist í gegnum niðurskurðinn og átti að spila um helgina.

Golf Channel segir að hjartaáfallið hafi verið alvarlegt og ástand Bohn sé grafalvarlegt.

Umboðsmaður Bohn, Justin Richmond, vildi ekki taka svo djúpt í árinni en fór þó ekki út í nein smáatriði varðandi heilsu Bohn.

„Jason er að hvíla sig og er í góðum anda. Hann fer í fleiri próf í þessari viku. Hann er þakklátur fyrir allan stuðninginn sem hann hefur fengið,“ sagði Richmond.

Hinn 42 ára gamli Bohn hefur tvívegis unnið mót á PGA-mótaröðinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira