Viðskipti innlent

Nóg gert fyrir flugfélögin? „Ég þekki engan í ferðamálum á Íslandi“

Bjarki Ármannsson skrifar
Deilt var um það við pallborðsumræður um hlutdeild flugfélaga í velgengni ferðamannaiðnaðarins á Íslandi í dag hvort ferðamálafélög á Íslandi hefðu gert nóg til þess að aðstoða flugfélög sem flytja ferðamenn hingað til lands.
Deilt var um það við pallborðsumræður um hlutdeild flugfélaga í velgengni ferðamannaiðnaðarins á Íslandi í dag hvort ferðamálafélög á Íslandi hefðu gert nóg til þess að aðstoða flugfélög sem flytja ferðamenn hingað til lands. Vísir/Vilhelm

Deilt var um það við pallborðsumræður um hlutdeild flugfélaga í velgengni ferðamannaiðnaðarins á Íslandi í dag hvort ferðamálafélög á Íslandi hefðu gert nóg til þess að aðstoða flugfélög sem flytja ferðamenn hingað til lands. Fór svo að Jón Ásbergsson, framkvæmdastjóri Íslandsstofu, tók til máls úr sal til að andmæla því sem fulltrúar flugfélaganna höfðu sagt um málefnið.

Umræðurnar voru hluti af ráðstefnunni Iceland Tourism Investment sem fram fer í Hörpu í dag og á morgun. Til máls tóku þau Ali Gayward frá EasyJet, Christine Kennedy frá Delta, Daníel Snæbjörnsson frá WOW og Guðmundur Óskarsson frá Icelandair.

Ali Gayward sagði að Ísland hefði í fyrstu verið erfitt að markaðssetja, ekki síst vegna þess að ferðamálafélög á borð við Íslandsstofu hefðu ekki greitt götu EasyJet nægilega vel.

Sjá einnig: Isavia spáir 470.000 fleiri ferðamönnum

Fulltrúi EasyJet sagði að ferðamálafélög á borð við Íslandsstofu hefðu ekki greitt götu EasyJet nægilega vel á fyrstu árum hér á landi. Vísir/Pjetur

„Við þekkjum viðskiptavini okkar mjög vel og við vitum hvernig er best að kynna eitthvað fyrir þeim,“ sagði Gayward. „Við viljum að ferðamálafélög vinni með okkur á þann hátt sem við vitum að virkar best. Ég viðurkenni að þó við eigum í frábærum samskiptum við flugvöllinn, þá hefur Ísland reynst okkur þrautin þyngri þegar kemur að markaðssetningu. Við höfum í raun náð að vaxa og dafna hér á landi þrátt fyrir stuðning ferðamálafélaga.“

Hún bar þá stuðning á Íslandi saman við stuðning í Svartfjallalandi, þangað sem EasyJet mun hefja flug í næsta mánuði. Ríkisstjórn Svartfellinga sagði Gayward hafa sýnt mun meiri áhuga og stuðning en aðilar á Íslandi, hjálpað til við markaðssetningu og sýnt sveigjanleika í rukkun flugvallagjalda.

Christine Kennedy tók í sama streng.

„Á meðan ég hef unnið mjög náið með fólki á flugvellinum, þá þekki ég engan í ferðamálum á Íslandi,“ sagði hún. „Og það er mjög óvenjulegt fyrir mig. Þannig að þarna er hlekkur sem vantar.“

Sjá einnig: Flug í boði 25 félaga - voru átta fyrir áratug

Frá pallborðsumræðunum í Hörpu í dag. Vísir/Bjarki

Daníel Snæbjörnsson sagðist þá ekki heldur hafa hitt neinn sem starfar í ferðamálum á Íslandi „face-to-face“ og auglýsti í gríni eftir slíkum fulltrúa í salnum.

„Hvar í heiminum fjölgar ferðamönnum hraðar en hér?“
Slíkur fulltrúi steig fram eftir að máli þátttakenda í umræðunum lauk, en Jón Ásbergsson, framkvæmdastjóri Íslandsstofu, greip þá orðið og gerði athugasemdir við það sem þátttakendurnir höfðu sagt um stuðning frá ferðamálafélögum.

Jón Ásbergsson, framkvæmdastjóri Íslandsstofu. Vísir/Pjetur

„Ég virðist vera týnda manneskjan í þessum sal, því ég er framkvæmdastjóri Íslandsstofu,“ sagði Jón og uppskar hlátur úr salnum. „Við höfum átt í viðræðum við flugfélögin í áraraðir, um hvort Ísland eigi að fjárfesta í að hjálpa þeim að skjóta rótum. Við ákváðum að fjárfesta í áfangastaðnum okkar, ekki í rótum flugfélaga. Gera Ísland að frábærum stað til að heimsækja og þannig væri arðbært fyrir flugfélögin að koma og stunda viðskipti hér.“

Hann benti á að rúmlega 25 flugfélög fljúgi nú til Íslands og að sjóðir Íslandsstofu hefðu fljótt tæmst ef styrkja hefði átt þau öll fjárhagslega á fyrstu árum þeirra hér á landi. Íslandsstofa hefði þó unnið náið með flugfélögunum síðustu ár og meðal annars hjálpað til að kynna starfsemi EasyJet fyrir fjölmiðlum hérlendis.

„Ég lít svo á að við eigum í mjög góðu og nánu sambandi við flugfélögin,“ sagði Jón að lokum. „Og skoðið það bara, hvar í heiminum fjölgar ferðamönnum hraðar en hér? Mér finnst það segja talsvert um nálgun okkar.“


Tengdar fréttir

WOW air tvöfaldar sætaframboð sitt

WOW air mun á þessu ári bæta við sig tveimur nýjum vélum af gerðinni Airbus A321, árgerð 2016, og verða þær afhentar félaginu í maí og júní.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,11
14
50.451
ICEAIR
2,95
34
234.414
SIMINN
2,83
27
416.767
REGINN
2,29
14
153.964
EIM
2,23
15
226.541

Mesta lækkun dagsins


Félag
Br.%
Fjöldi
Velta*
MARL
-0,39
12
242.543
SYN
-0,23
9
140.003
Velkomin á Vísi. Þessi vefur notar vafrakökur. Sjá nánar.