Körfubolti

Glæsilegur sigur dugði ekki til hjá Jóni og félögum

Henry Birgir Gunnarsson skrifar
Jón Arnór Stefánsson.
Jón Arnór Stefánsson. vísir/valli

Jón Arnór Stefánsson og félagar í Valencia Basket eru úr leik í Evrópubikarnum.

Í kvöld náði Valencia að leggja Baskets Oldenburg, 77-62, en það dugði liðinu ekki til þess að komast áfram í keppninni.

Oldenburg var þegar komið áfram í keppninni og Valencia var jafnt Limoges fyrir kvöldið en undir í innbyrðisbaráttu. Limoges vann sinn leik og Valencia er því úr leik.

Jón Arnór lék rúmar 12 mínútur fyrir Valencia í kvöld. Hann skoraði eitt stig og tók aðeins þrjú skot í leiknum.  Hann tók eitt frákast og gaf eina stoðsendingu.




Fleiri fréttir

Sjá meira