Lífið

For­seta­fram­bjóðandi, ofur­hetjur og lög­reglu­kona

Jóhann Óli Eiðsson skrifar

Það ætti ekki að hafa farið fram hjá nokkrum einasta landsmanni að öskudagurinn var í dag enda sprengidagur í gær og bolludagur í fyrradag. Krakkar um land allt klæddu sig í búninga, ferðuðust á milli fyrirtækja og heimila og sungu sér inn sælgæti. 

Þeirra á meðal voru þessi hressu börn sem litu við hjá Nóa Siríus og Nýherja. Að vísu voru það ekki aðeins börnin sem fóru í dulargervi heldur mátti sömu sögu segja um starfsfólk Nóa Siríus enda tilvalið að nýta daginn til að brjóta upp vinnuvikuna.

Börnin brugðu sér í allra kvikinda líki en þarna mátti meðal annars finna lögreglufólk, Hulk, Svarthöfða, skuggalegar beinagrindur og forseta frambjóðandann Donald Trump ásamt lífverði hans. 

Donald Trump mætti einnig ásamt lífverði sínum á Local þar sem þeir röppuðu frumsamið lag fyrir gesti. Það má sjá hér fyrir ofan. 

Starfsmenn Nóa mættu margir hverjir í búningum.
Það var röð langt út úr dyrum hjá Nóa í dag.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira