Innlent

Mötuneytinu lokað vegna ömurlegrar umgengni nemenda

Jakob Bjarnar skrifar
Kristinn hefur lokað mötuneytinu á morgun og á föstudaginn og vonar að það verði vendipunktur í umgengni.
Kristinn hefur lokað mötuneytinu á morgun og á föstudaginn og vonar að það verði vendipunktur í umgengni.

Kristinn Þorsteinsson, skólameistari Fjölbrautaskólans í Garðabæ, hefur sent frá sér tilkynningu til nemenda og forráðamanna við skólann. Þar kemur fram að ákveðið hafi verið að loka mötuneyti skólans.

„Eins og mörg ykkar vita erum við í vanda með umgengni í skólanum og eru rekstraraðilar mötuneytisins að gefast upp vegna umgengninnar. Þeir grípa nú til þess ráðs í samráði við skólann að loka mötuneytinu á morgun fimmtudag og föstudaginn 12. febrúar. Því verður enginn matur til sölu þessa daga né hafragrautur á boðstólum,“ segir í bréfi Kristins.

Skólameistarinn er ómyrkur í máli: „Þetta er auðvitað leiðinlegt og leysir engin vandamál til lengdar. Því beinum við því til nemenda, foreldra og starfsmanna að hjálpa okkur að bæta umgengnina í skólanum. Auðvitað er það svo að fjölmargir ganga vel um en betur má ef duga skal. Látum þessa tvo daga sem er lokað í mötuneytinu verða að vendipunkti í umgengni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira