Enski boltinn

Bojan áfram hjá Stoke til 2020

Ingvi Þór Sæmundsson skrifar
Bojan verður áfram á Brittania.
Bojan verður áfram á Brittania. vísir/getty

Spænski framherjinn Bojan Krkic hefur framlengt samning sinn við enska úrvalsdeildarliðið Stoke City. Nýi samningurinn gildir til ársins 2020.

Bojan kom til Stoke frá uppeldisfélaginu Barcelona sumarið 2014. Hann skoraði fjögur mörk í 16 deildarleikjum á síðasta tímabili áður en hann meiddist illa á hné í janúar.

Bojan sneri aftur á völlinn í haust og hefur skorað fimm mörk í 19 deildarleikjum á yfirstandandi tímabili.

Bojan hefur reyndar ekki skorað síðan á öðrum degi jóla, í 2-0 sigri á Manchester United á Brittania Stadium. Stoke hefur gengið illa að undanförnu og er komið niður í 11. sæti úrvalsdeildarinnar eftir þrjá tapleiki í röð.

Næsti deildarleikur Stoke er gegn Bournemouth á Vitality Stadium á laugardaginn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira