Innlent

Vélsleðar framkalla snjóflóð

Dæmi eru um að vélsleðar hafi hleypt af stað snjóflóðum á hálendinu síðustu daga. Töluverð snjóflóðahætta er enn á noðranverðum Vestfjörðum, utanverðum Tröllaskaga og á Austfjörðum eftir austan áhlaupið fyrir síðustu helgi.

Að sögn Veðurstofunnar hafa snjóflóð fallið í flestum landshlutum. Víða eru svonefndir vindfelkar til fjalla og hafa vélsleðar sett af stað snjóflóð á hálendinu, en engan hefur sakað. Nokkur flóð upp á þrjú stig hafa orðið á Vestfjörðum og eitt í Eyjafirði.

Flóð af þessari stærðargráðu, geta grafið og eyðilagt bíla, skemmt hús eða eyðilagt minni byggingar, en flóðin hafa öll fallið utan byggðar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira