Íslenski boltinn

Sandra færir sig um set til Vals

Ingvi Þór Sæmundsson skrifar
Sandra mun verja mark Vals næstu þrjú árin.
Sandra mun verja mark Vals næstu þrjú árin. mynd/valur

Markvörðurinn Sandra Sigurðardóttir hefur skrifað undir þriggja ára samning við Val en hún kemur til liðsins frá Stjörnunni. Þetta kemur fram á heimasíðu Vals.

Sandra hefur verið í hópi bestu markvarða efstu deildar um árabil og hefur leikið 11 A-landsleiki.

Sandra, sem er þrítug, hóf ferilinn hjá Þór/KA/KS. Hún lék með liðinu til ársins 2004 þegar hann gekk til liðs við Stjörnuna þar sem hún hefur leikið síðan fyrir utan stutt stopp hjá Jitex í Svíþjóð 2011.

Eftir að hafa lent í 7. sæti Pepsi-deildarinnar undanfarin tvö tímabil hefur Valur blásið í herlúðra í vetur og styrkt lið sitt gríðarlega mikið.

Auk þess Söndru hafa systurnar Margrét Lára og Elísa Viðarsdætur, Thelma Björk Einarsdóttir, Rúna Sif Stefánsdóttir og Arna Sif Ásgrímsdóttir samið við Val í vetur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira