Lífið

Horfðu á stefnumót ársins: Snorri í kjólfötum, Manúela í rauðum kjól og þetta endaði með kossi

Stefán Árni Pálsson skrifar
Fyrsta date fór vel.
Fyrsta date fór vel. vísir

Einhverjar skærustu stjörnur samfélagsmiðlanna á Íslandi, Manúela Ósk Harðardóttir og Snorri Björns, fóru á stefnumót sitt í gærkvöld og þurfti kannski ekki að koma á óvart að greint var frá gangi mála bæði á Twitter og Snapchat allt stefnumótið.

Greint var frá því í fyrra að þau Snorri og Manúela ætluðu á stefnumót, en samskipti þeirra hófust á Twitter þegar Manúela tísti eftirfarandi: „Hver er Snorri Björns, af hverju er ég með hann á Snap og ætli hann vilji byrja með mér? #crushin.“ Snorri var snöggur að svara og bauð Manúelu á stefnumót.

Stefnumótið virtist fara nokkuð vel í gærkvöldi en Snorri mætti í kjólfötum og Manúela í rauðum og fallegum kjól. Þau borðuðu saman á Sushi Samba í Þingholtsstrætinu.

Snorri er fæddur árið 1994 en Manúela er fædd árið 1983 og því er töluverður aldursmunur á þeim. Hann var aftur á móti mikill herramaður í gær og hagaði sér einstaklega vel. Manúela gaf Snorra eldheitan koss á kinnina undir lokin og var drengurinn mjög sáttur með.

Notendanafn Snorra á Snapchat: snorribjorns
Notendanafn Manúelu á Snapchat: manuelaosk

Hér að neðan má horfa á Snapchat-sögu Snorra.

 
 
 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira