Erlent

Grikkir fá þrjá mánuði til að bæta eftirlit

Kolbeinn Tumi Daðason skrifar
Bátur með flóttafólki frá Afganistan nálgast grísku eyjuna Lesbos í Eyjahafi.
Bátur með flóttafólki frá Afganistan nálgast grísku eyjuna Lesbos í Eyjahafi. vísir/EPA

Evrópusambandið hefur gefið grískum stjórnvöldum þriggja mánaða frest til þess að koma skikk á landamæraeftirlit sitt. Grikkland er hluti af Schengen samkomulaginu en í frétt BBC kemur fram að með breytingunni ættu aðildarþjóðir Schengen að geta viðhaldið frjálsu flæði fólks yfir landamæri sín.

Fyrir tveimur vikum kom fram í skýrsludrögum að eftirliti Grikkja á ytri landamærum væri verulega ábótavant. Sem aðili að Schengen er þjóðin skuldbundin til þess að halda uppi eftirliti á ytri landamærum. Grikkjum hefur áður verið hótað að vera vísað úr Schengen vegna lélegs eftirlits.

Undanfarnar vikur og mánuði hafa einstök lönd innan Schengen tímabundið aukið eftirlit á landamærum sínum. Yfir 850 þúsund innflytjendur og flóttamenn komu til Grikklands í fyrra.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira