Innlent

Búist við stormi og mikilli hálku í dag

sunna karen sigurþórsdóttir skrifar
Suðaustanhvassviðri eða -stormur í dag með rigningu eða slyddu og mikilli hálku á vegum.
Suðaustanhvassviðri eða -stormur í dag með rigningu eða slyddu og mikilli hálku á vegum. vísir/vilhelm

Búist er við suðaustanhvassviðri eða – stormi í dag með rigningu eða slyddu og mikilli hálku á vegum. Á morgun er búist við suðvestastanstormi.

Í hugleiðingum veðurfræðings á Veðurstofu Íslands segir að búist sé við mikilli úrkomu á suðaustanverðu landinu síðdegis. Hvassast verði við austurströndina í kvöld þar sem vindhraði geti náð 28 metrum á sekúndu. Þá valdi hlýnandi veður ásamt rigningu ofan á svellbunka hálku og vegfarendur því beðnir um að fara varlega.

Á morgun snýst í suðvestanstorm með éljagangi og kólnandi veðri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira