Fótbolti

Sandra María lagði upp mark í fyrsta leik

Eiríkur Stefán Ásgeirsson skrifar
Sandra María Jessen í leik með Þór/KA.
Sandra María Jessen í leik með Þór/KA. Vísir/Vilhelm

Sandra María Jessen fer vel af stað með Bayer Leverkusen í Þýskalandi en hún gekk til liðs við félagið á dögunum sem lánsmaður frá Þór/KA.

Sjá einnig: Stutt í heimsókn til ömmu í Þýskalandi

Sandra María var í byrjunarliði Leverkusen sem komst yfir gegn USV Jena snemma leiks en mátti svo sætta sig við tap, 3-1.

Hún náði að leggja upp mark Leverkusen eftir aðeins níu mínútna leik fyrir Carolin Simon en Sandra María spilaði á vinstri kantinum í leiknum.

„Sandra Jessen sýndi góða frammistöðu í fyrsta leik sínum. Hún hefur nú þegar náð aðlagast leikkerfi okkar vel,“ sagði þjálfarinn Thomas Obliers í viðtali á heimasíðu félagsins í gær.

Staða Leverkusen í deildinni er erfið en liðið er í tíunda sæti af tólf liðum með níu stig. Liðið var án nokkurra lykilmanna í gær sem eiga við meiðsli að stríða.

Bayern München er efst í deildinni með 37 stig, tólf stigum meira en Wolfsburg sem er í öðru sæti.


Tengdar fréttir

Stutt í heimsókn til ömmu í Þýskalandi

Sandra María Jessen söðlar um og spilar með Bayer Leverkusen í þýsku úrvalsdeildinni til vors en um lánssamning er að ræða. Sandra er hálfþýsk og hlakkar til að kynnast landinu betur. Fyrirliði þýska landsliðsins spilar með liðinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira