Innlent

Sex flóttamenn fengu dvalarleyfi en tuttugu hafnað

Aðalsteinn Kjartansson skrifar
Tuttugu og einn var sendur til baka til annars Evrópuríkis á grundvelli Dyflinnarreglugerðarinnar.
Tuttugu og einn var sendur til baka til annars Evrópuríkis á grundvelli Dyflinnarreglugerðarinnar. Vísir/Stefán

Fimm hælisleitendur fengu jákvætt svar við umsóknum sínum frá Útlendingastofnun í janúar. Einn til viðbótar fékk dvalarleyfi hér á landi á grundvelli mannúðarsjónarmiða. Þetta kemur fram í talnaefni sem stofunin hefur tekið saman og birt á vefsíðu sinni.

Tuttugu umsóknum hælisleitenda, þeirra sem leituðu eftir viðbótarvernd eða dvalarleyfis vegna mannúðarsjónarmiða var hins vegar synjað. 

Tuttugu og einn var sendur til baka til annars Evrópulands á grundvelli Dyflinnarreglugerðarinnar en einn fékk vernd í öðru ríki. Þá voru fjórar umsóknir dregnar til baka.

Samtals voru því 52 umsóknir um hæli, viðbótarvernd og mannúðarleyfi afgreiddar.

Útlendingastofnun birtir líka tölur um umsækjendur um vernd í janúar eftir þjóðerni og kyni. Þar kemur í ljós að flestar umsóknirnar í mánuðinum er frá íröskum körlum, eða tólf talsins.

Fimmtán umsóknir bárust frá Albönum; frá níu körlum, fjórum konum, einu barni í fylgd og einu fylgdarlausu barni. 

Átta umsóknir bárust frá Sýrlendingum en þar af frá tveimur fylgdarlausum börnum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira