Körfubolti

Martin magnaður í sigri í Íslendingaslag

Tómas Þór Þórðarson skrifar
Martin Hermannsson hefur verið magnaður í vetur.
Martin Hermannsson hefur verið magnaður í vetur. mynd/liu

Ekkert lát er á frábærri spilamennski Martins Hermannssonar, landsliðsmanns í körfubolta, með liði sínu LIU Brooklyn Blackbirds í bandaríska háskólakörfuboltanum.

Martin var í sigurliði LIU í kvöld í Brooklyn- og Íslendingaslag á móti St. Francis, en Svartþrestirnir höfðu betur, 82-67.

Martin skoraði 19 stig, tók sjö fráköst, gaf fimm stoðsendingar, stal fimm boltum og tapaði honum aldrei. Þetta er í annað sinn á tímabilinu sem hann hleður í aðra eins tölfræðilínu.

Landsliðsmaðurinn, sem hefur verið í miklum ham í vetur, skoraði úr sex af þrettán skotum sínum utan að velli og nýtti öll sex vítaskotin sín.

Keflvíkingurinn Gunnar Ólafsson var í byrjunarliði St. Francis og skoraði tvö stig og tók sjö fráköst á 28 mínútum.

LIU Brooklyn er búið að vinna þrettán leiki og tapa tólf (7-7 innan deildarinnar) og er í sjötta sæti í norðausturdeildinni. St. Francis er með sama heildarárangur (9-5 innan deildarinnar) og er í þriðja sæti NEC.


Tengdar fréttir

Ótrúlegur leikur hjá Martin

Íslenski landsliðsmaðurinn Martin Hermannsson fór á kostum með liði sínu, LIU, í bandaríska háskólaboltanum í nótt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira