Körfubolti

Ívar búinn að fækka um fjórar í æfingahópnum

Óskar Ófeigur Jónsson skrifar
Grindvíkingarnir Ingunn Embla Kristínardóttir og Björg Einarsdóttir eru báðar í hópnum.
Grindvíkingarnir Ingunn Embla Kristínardóttir og Björg Einarsdóttir eru báðar í hópnum. Vísir/Anton

Ívar Ásgrímsson hefur fækkað um fjóra leikmenn í æfingahóp sínum fyrir leikina sem eru framundan í undankeppni EM 2017.

Sextán leikmenn skipa hópinn en tólf af þeim munu fara út til Portúgals þar sem íslenska liðið mætir heimastúlkum á laugardaginn kemur.

Ragna Margrét Brynjarsdóttir, sem hefur verið meidd á hné, er áfram með í æfingahópnum en þær sem duttu út að þessu sinni eru Hallveig Jónsdóttir, María Björnsdóttir, Sylvía Rún Hálfdánardóttir og Marín Laufey Davíðsdóttir.

Íslenska landsliðið verður við æfingar í dag og á morgun og mun svo halda að utan á fimmtudagsmorguninn.

Björg Einarsdóttir, Ingunn Embla Kristínardóttir, Margrét Kara Sturludóttir og Salbjörg Ragna Sævarsdóttir voru ekki með í leikjunum fyrir áramóti þar sem íslensku stelpurnar mættu Ungverjalandi og Slóvakíu.

Leikmenn í 16 manna æfingahóp landsliðs kvenna:

Auður Íris Ólafsdóttir - Haukar · Bakvörður f. 1992 · 174 sm · 8 landsleikir
Berglind Gunnarsdóttir - Snæfell · Bakvörður f. 1992 · 177 sm · 2 landsleikir
Bergþóra Tómasdóttir – Valur · Bakvörður · f. 1994 · 180 sm · 1 landsleikur
Björg Einarsdóttir - Grindavík · Bakvörður · f. 1992 · 165 sm · 3 landsleikir
Guðbjörg Sverrisdóttir – Valur · Bakvörður · f. 1992 · 180 sm · 9 landsleikir
Gunnhildur Gunnarsdóttir – Snæfell · Bakvörður · f. 1990 · 176 sm · 21 landsleikir
Helena Sverrisdóttir – Haukar · Bakvörður · f. 1988 · 184 sm · 59 landsleikir
Ingunn Embla Kristínardóttir - Grindavík · Bakvörður · f. 1995 · 169 sm · 3 landsleikir
Pálína Gunnlaugsdóttir – Haukar · Bakvörður · f. 1987 · 167 sm · 33 landsleikir

Bryndís Guðmundsdóttir – Snæfell · Framherji · f. 1988 · 178 sm · 37 landsleikir
Jóhanna Björk Sveinsdóttir – Haukar · Framherji · f. 1989 · 178 sm · 7 landsleikir
Margrét Kara Sturludóttir - Stjarnan · Framherji · f. 1989 · 175 sm · 13 landsleikir
Sigrún Sjöfn Ámundadóttir – Grindavík · Framherji f. 1988 · 181 sm · 38 landsleikir

Ragna Margrét Brynjarsdóttir – Stjarnan · Miðherji · f. 1990 · 188 sm · 31 landsleikir
Salbjörg Ragna Sævarsdóttir - Hamar · Miðherji · f. 1991 · 188 sm · Nýliði
Sandra Lind Þrastardóttir – Keflavík · Miðherji · f. 1996 · 182 sm · 5 landsleikir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira