Handbolti

Tvö efstu liðin mætast í undanúrslitum

Eiríkur Stefán Ásgeirsson skrifar
Úr viðureign Hauka og Vals fyrr í vetur.
Úr viðureign Hauka og Vals fyrr í vetur. Vísir/Anton

Valur og Haukar munu mætast í undanúrslitum Coca-Cola bikarkeppni karla föstudaginn 25. febrúar næstkomandi. Þessi tvö lið eru langefst í Olís-deild karla sem stendur og því von á hörkuviðureign.

1. deildarlið Stjörnunnar drógst gegn nýliðum Gróttu í hinum undanúrslitaleiknum. Stjarnan er efst í 1. deildinni en Grótta hefur átt gott tímabil í Olís-deildinni og er í sjötta sæti deildarinnar með 20 stig.

Í kvennaflokki fá Íslands- og bikarmeistarar Gróttu heimaleik gegn Haukum en þar mætast tvö efstu lið Olís-deildar kvenna í dag. Í hinni viðureigninni eigast við lið Stjörnunnar og Fylkis.

Undanúrslitaleikir kvenna fara fram fimmtudaginn 25. febrúar og svo degi síðar í karlaflokki. Úrslitaleikirnir fara svo báðir fram laugardaginn 27. febrúar en allir leikirnir fara fram í Laugardalshöll.

Undanúrslit kvenna:

Fimmtudagur 25. febrúar:
17.15 Stjarnan - Fylkir
19.30 Grótta - Haukar

Undanúrslit karla:

Föstudagur 26. febrúar:
17.15 Valur - Haukar
19.30 Stjarnan - Grótta



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira