Innlent

166 Albanir hafa sótt um hæli á Íslandi frá 2013

Aðalsteinn Kjartansson skrifar
Engum hefur verið veitt hæli hér á landi á tímabilinu.
Engum hefur verið veitt hæli hér á landi á tímabilinu. Vísir/Stefán

Af 166 Albönum sem sóttu um hæli hér á landi frá 2013 fékk enginn þeirra umsókn sína samþykkt. Flestum umsóknum var einfaldlega synjað en sjö einstaklingar voru sendir til annars Evrópuríkis á grundvelli Dyflinnarreglugerðarinnar.

Þetta kemur fram í svörum Ólafar Nordal innanríkisráðherra við fyrirspurn frá Sigríði Ingibjörgu Ingadóttur, þingkonu Samfylkingarinnar. Þar kemur einnig fram að sextán umsóknir hafi verið dregnar til baka á tímabilinu; langflestar á síðasta ári eða fjórtán talsins.

108 umsóknir bárust frá albönskum ríkisborgurum á síðasta ári en af þeim eru 45 umsóknir enn í vinnslu. Upplýsingarnar í svari Ólafar ná frá ársbyrjun 2013 til 18. desember 2015.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira