Fótbolti

„Vorum hugrakkir og reyndum að skora“

Tómas Þór Þórðarson skrifar
Ivanovic í skallaeinvígi við Zlatan í kvöld.
Ivanovic í skallaeinvígi við Zlatan í kvöld. vísir/afp

„Þetta var erfiður leikur,“ sagði Branislav Ivanovic, varnarmaður Chelsea, eftir 2-1 tapið gegn París Saint-Germain í Meistaradeildinni í kvöld.

Englandsmeistararnir fara heim til Lundúna einu marki undir fyrir seinni leikinn, en PSG sló Chelsea úr keppni á Brúnni á sama stað í keppninni í fyrra.

„PSG skoraði sem var risastórt fyrir þá. En við héldum samt áfram,“ sagði Ivanovic sem spilaði sem miðvörður í kvöld.

Serbinn var ánægður með frammistöðu Chelsea-liðsins að mestu leyti en fannst liðið aðeins gleyma sér undir lokin. „Við vorum hugrakkir og reyndum að skora og við fengum færi til þess. Við misstum aðeins einbeitinguna undir lokin,“ sagði hann.

„Topp framherjar eins og PSG er með nýta þau færi sem þeir fá. Við verðum að vera þéttari og passa okkur betur. Það eru smáatriði sem ráða úrslitum í leikjum,“ sagði Branislav Ivanovic.


Tengdar fréttir




Fleiri fréttir

Sjá meira