Enski boltinn

Jelavic farinn til Kína

Henry Birgir Gunnarsson skrifar
Jelavic í leik með West Ham.
Jelavic í leik með West Ham. vísir/getty

Kínversk knattspyrnulið halda áfram að kaupa knattspyrnumenn frá Evrópu í stórum stíl en nú var West Ham að missa framherja.

Kínverska 2. deildarliðið Beijing Renhe er nefnilega búið að kaupa króatíska framherjann Nikica Jelavic á 2 milljónir punda.

Þetta er reyndar ekkert verð því Jiangsu Suning keypti Ramires á 25 milljónir punda á meðan Guangzhou Evergrande gerði enn betur með því að greiða 31 milljón punda fyrir Jackson Martinez. Það er metupphæð fyrir leikmann í Asíu.

Jelavic kom til West Ham sumarið 2015 á 3 milljónir punda frá Hull. Hann skoraði aðeins eitt deildarmark fyrir West Ham.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira