Innlent

Bíl ekið í höfnina í Ólafsvík

Samúel Karl Ólason skrifar
Vísir/Pjetur
Bíl var ekið út í höfnina á Ólafsvík í dag. Einn maður var í bílnum þegar hann fór í sjóinn. Samkvæmt lögreglunni eru aðgerðir enn yfirstandandi. Atvikið átti sér stað skömmu eftir klukkan fimm í dag. Ekki er vitað um líðan mannsins.

Bílnum hefur verið náð á land. Samkvæmt Mbl, sem sagði fyrst frá málinu, var kafaradeild sérsveitar lögreglunnar kölluð út en snúið við stuttu seinna. Lögregla, slökkvilið, björgunarsveitarmenn og sjúkraflutningamenn voru sendir á vettvang.

Ökumaður bílsins var fluttur á heilsugæslustöð í Ólafsvík.




Fleiri fréttir

Sjá meira


×