Erlent

Menn komust í náin kynni við forfeður sína fyrr en talið var

Samúel Karl Ólason skrifar
Líkan af Neanderdalsmanni í safni í Þýskalandi.
Líkan af Neanderdalsmanni í safni í Þýskalandi. Vísir/AFP

Vísindamenn segja nú að nútímamaðurinn og Neanderdalsmenn hafi blandast mun fyrr en hingað til hefur verið talið. Uppgötvunin getur varpað nýju ljósi á uppruna mannsins.

Hingað til hefur verið talið að menn og Neanderdalsmenn hafi fyrst blandast þegar nútímamenn dreifðust frá Afríku fyrir um 60 þúsund árum. Nú hefur brot úr erfðamengi mannsins fundist í hundrað þúsund ára gamalli beinagrind af Neanderdalskonu í Altaifjöllunum í Síberíu.

Uppgötvunin gefur til kynna að dreifing mannsins frá Afríku hafi hafist mun fyrr en áður hefur verið talið. Engin ummerki Neanderdalsmanna hafa fundist í Afríku og því þykir hæpið að þeir hafi komist í náin kynni þar.

Í dag má finna erfðamengi úr Neanderdalsmönnum í mönnum og spila þau stóran hluta í uppbyggingu ónæmiskerfis okkar.

Sérfræðingur sem BBC ræddi við segist telja að kynnin hafi átt sér stað í Suður-Asíu, þar sem lítið er vitað um dreifingu ættkvísla mannsins á þeim svæðum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira