Fótbolti

Markalaust hjá Liverpool í Þýskalandi

Tómas Þór Þórðarson skrifar
Daniel Sturridge í baráttunni í kvöld.
Daniel Sturridge í baráttunni í kvöld. vísir/getty

Liverpool og Augsburg skildu jöfn, markalaus, í fyrri leik liðanna í 32 liða úrslitum Evrópudeildarinnar í fótbolta í kvöld. Hér má sjá úrslitin í öllum leikjum kvöldsins.

Þrátt fyrir markaleysið var leikurinn nokkuð fjörugur en bæði lið fengu færi til að skora. Augsburg skaut til dæmis í stöngina undir lok leiks en báðir markverðir gerðu nokkrum sinnum ágætlega.

Liverpool er í fínni stöðu fyrir heimaleikinn og þarf bara sigur á Anfield til að komast áfram í 16 liða úrslitin.

Alfreð Finnbogason mátti ekki spila með Augsburg í kvöld þar sem hann spilaði með Olympiacos í Meistardeildinni, en gríska liðið er einnig í 32 liða úrslitum Evrópudeildarinnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira