Innlent

Grunaður um að hafa haldið tveimur konum í vinnuþrælkun

Sunna Kristín Hilmarsdóttir skrifar
Lögreglan fann tvær konur eftir leit í Vík. Þær hafa stöðu þolenda mansals. Grunur leikur á vinnumansali.
Lögreglan fann tvær konur eftir leit í Vík. Þær hafa stöðu þolenda mansals. Grunur leikur á vinnumansali. Visir/Heiða

Aðgerð lögregluyfirvalda á Vík í Mýrdal í gær þar sem maður var handtekinn vegna gruns um mansal var mjög umfangsmikil.

Auk lögreglunnar á Suðurlandi komu lögreglan á Suðurnesjum og mansalsteymi lögreglunnar á höfuðborgarsvæðinu að aðgerðinni. Þá fékk lögreglan aðstoð frá skattrannsóknarstjóra og Vinnumálastofnun vegna málsins.

Þorgrímur Óli Sigurðsson, aðstoðaryfirlögregluþjónn hjá lögreglunni á Suðurlandi, staðfestir að einn útlenskur maður sé í haldi lögreglunnar vegna málsins og að grunur leiki á að tvær konur, einnig útlenskar, séu þolendur mansals. Talið er að maðurinn hafi haldið þeim í vinnuþrælkun.

Þorgrímur Óli vill ekki gefa upp hvaða atvinnugrein málið tengist. Hann segir rannsókn málsins á viðkvæmu stigi og yfirheyrslur og skýrslutökur séu framundan.

Vísir greindi fyrst frá málinu í gærkvöldi. Þar kom fram að lögreglumenn hafi leitað þolenda mansals í Vík sem þeir höfðu fengið ábendingu um að væru nýttir sem þrælar til vinnu.

Maður handtekinn vegna gruns um vinnumansal. Lögreglan á Suðurlandi handtók í gærdag erlendan karlmann í Vík í Mýrdal...

Posted by Lögreglan á Suðurlandi on Friday, 19 February 2016

Tengdar fréttir

Einn í haldi lögreglu vegna mansals í Vík

Fjölmennt lið lögreglumanna tók þátt í aðgerðum vegna vinnumansals í Vík í dag. Einn karlmaður er í haldi lögreglu og tvær konur hafa stöðu þolenda mansals.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.