Körfubolti

Uppáhaldi stuðningsmanna Cleveland skipt í burtu

Ingvi Þór Sæmundsson skrifar
Varejao er vinsæll í Cleveland.
Varejao er vinsæll í Cleveland. vísir/getty

Tólf ára dvöl Brasilíumannsins Anderson Varejao hjá Cleveland Cavaliers er lokið en honum var skipt til Portland Trail Blazers í gær.

Varejao er í miklum metum hjá stuðningsmönnum Cleveland en hann er sjöundi leikjahæsti leikmaður í sögu félagsins með 591 leiki. Þeir hefðu þó orðið miklu fleiri ef ekki hefði verið fyrir erfið meiðsli. Varejao spilaði t.a.m. aðeins 26 leiki á síðasta tímabili vegna meiðsla.

Varejao var sendur til Portland ásamt valrétti í fyrstu umferð nýliðavalsins. Í staðinn fékk Cleveland valrétt í annarri umferð sem þeir skiptu svo ásamt bakverðinum Jared Cunningham til Orlando Magic fyrir Channing Frye.

Frye, sem er á sínu tíunda tímabili í NBA, var með 5,2 stig og 3,2 fráköst að meðaltali í leik fyrir Orlando í vetur. Frye er fín þriggja stiga skytta en hann er með 39,7% skotnýtingu fyrir utan á tímabilinu.

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira