Enski boltinn

Wenger stýrir Arsenal í 100. sinn í enska bikarnum á morgun

Ingvi Þór Sæmundsson skrifar
Wenger hefur unnið ensku bikarkeppnina sex sinnum.
Wenger hefur unnið ensku bikarkeppnina sex sinnum. vísir/getty

Arsenal tekur á móti Hull City í fyrsta leik 16-liða úrslita ensku bikarkeppninnar í hádeginu á morgun.

Arsenal hefur unnið bikarinn undanfarin tvö ár og hrósað sigri í 14 bikarleikjum í röð. Þessi sigurganga hófst þegar Skytturnar báru sigurorð af erkifjendum sínum í Tottenham, 2-0, 4. janúar 2014.

Inni í þessari sigurgöngu eru tveir sigrar á Hull en Arsenal vann Tígrana í úrslitaleiknum 2014 og í 3. umferðinni í fyrra.

Leikurinn á morgun er jafnframt 100. bikarleikur Arsenal undir stjórn Arsene Wenger en Frakkinn hefur stýrt Lundúnaliðinu frá 1996.

Wenger hefur unnið ensku bikarkeppnina sex sinnum, jafn oft og George Ramsey gerði sem stjóri Aston Villa á árunum 1887-1920.

Wenger hefur alls komið Arsenal í sjö úrslitaleiki en aðeins þeirra hefur tapast; gegn Liverpool 2001.

Árangur Arsenal undir Arsene Wenger í ensku bikarkeppninni:

99 leikir:
71 sigrar (5 eftir vítakeppni)
15 jafntefli
13 töp (1 eftir vítakeppni)

Wenger getur orðið fyrsti stjórinn í sögunni til að vinna bikarinn sjö sinnum. vísir/getty


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira