Fótbolti

Naumt hjá Barcelona gegn Las Palmas

Leikmenn Barcelona fagna.
Leikmenn Barcelona fagna. vísir/getty

Barcelona lenti í örlitlum vandræðum með botnbaráttulið Las Palmas í spænsku úrvalsdeildinni í knattspyrnu í dag, en höfðu 2-1 sigur að lokum.

Luis Suarez kom Börsungum yfir á sjöttu mínútu, en Willian Jose jafnaði metin fyrir nýliðana fjórum mínútum síðar.

Það var svo brasilíski snillingurinn, Neymar, sem skoraði sigurmarkið á 39. mínútu, en markalaus seinni hálfleikur varð staðreynd.

Barcelona er með níu stiga forskot á toppi úrvalsdeildarinnar, en liðin í öðru og þriðja sæti, Madrídarliðin Atletico og Real, eiga leiki til góða.

Las Palmas er í átjánda sætinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira