Viðskipti innlent

Sala Össurar nam rúmlega 60 milljörðum króna í fyrra

Bjarki Ármannsson skrifar
Sveinn Sölvason fjármálastjóri og Jón Sigurðsson, forstjóri Össurar, á kynningarfundi vegna uppgjörs fyrirtækisins í fyrra
Sveinn Sölvason fjármálastjóri og Jón Sigurðsson, forstjóri Össurar, á kynningarfundi vegna uppgjörs fyrirtækisins í fyrra Vísir/Valli

Söluvöxtur var hjá stoðtækjaframleiðandanum Össuri á öllum mörkuðum samkvæmt ársuppgjöri fyrirtækisins sem birt var í kvöld. Sala nam 62,7 milljörðum króna á árinu 2015 og nam söluvöxtur frá fyrra ári fimm prósent mælt í staðbundinni mynt.

EBITDA Össurar nam 12,6 milljörðum króna, eða tuttugu prósentum af sölu. Áætlun fyrirtækisins fyrir árið 2016 gerir ráð fyrir innri vexti á bilinu þrjú til fimm prósent og EBITDA framlegð á bilinu 20 til 21 prósent.

Að því er segir í tilkynningu vegna birtingar ársuppgjörsins verður lagt fyrir á hluthafafundi í mars að greiða út arð sem nemur 2,3 íslenskum krónum á hlut, sem nemur sextán prósentum af hagnaði.



Fleiri fréttir

Sjá meira