Enski boltinn

Tölfræði sem enginn stuðningsmaður Arsenal vill sjá

Tómas Þór Þórðarson skrifar
Arsene Wenger er í smá basli með Arsenal þessar vikurnar.
Arsene Wenger er í smá basli með Arsenal þessar vikurnar. vísir/getty

Arsenal féll niður í fjórða sæti ensku úrvalsdeildarinnar í gærkvöldi þegar liðið gerði markalaust jafntefli við Southampton á Emirates-vellinum í Lundúnum.

Baulað var á Arsene Wenger og hans menn þegar leikurinn var flautaður af, en Arsenal er nú fimm stigum á eftir toppliði Leicester og þremur stigum á eftir Manchester City í öðru sætinu.

Stuðningsmenn Arsenal höfðu fulla ástæðu til að baula á sína menn enda eru þeir ekki búnir að vinna í fjórum leikjum í röð í ensku úrvalsdeildinni.

Hér eru nokkrir tölfræðimolar um gengi Arsenal í ensku úrvalsdeildinni í síðustu fjórum leikjum sem Opta tók saman:

- Arsenal er ekki búið að skora í þremur leikjum í röð í ensku úrvalsdeildinni, en það hefur ekki gest síðan í febrúar 2009.

- Mesut Özil hefur ekki skorað eða gefið stoðsendingu í fjórum leikjum í röð en það hefur ekki gerst áður á þessu tímabili.

- Arsenal átti ellefu skot á markið á móti Southampton í gær án þess að skora. Ekkert lið hefur átt fleiri skot á markið í einum leik á tímabilinu.

- Oliver Giroud hefur heldur betur kólnað en hann er ekki búinn að skora í síðustu fjórum leikjum fyrir Arsenal. Það hefur ekki gerst áður á leiktíðinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira